شكلك
عيل!
*******
إضرب فرقع بُمب يا عيّد
واخلف ويايا المواعيد
شاطر بس تقول يا غرام
وانت كبيرك تعمل بيب!!
شكلك عيل رغم شواربك
وغاوي تنتفلي وبس حواجبك
أه بوريْه منك بوريْه
خدت المقلب فيك بعمايلك!!
شكل الدنيا ليه مُش سالكه؟
ليه رجالة الدنيا دي فالته؟
من بين 100 ألف بيطلع واحد
تقدر تحكي معاه وتتفضفض!!
كلمته واحده وهى الكلمه
ثابته وعمرها ما يوم تتنفض!!
نفسي ف فارس حلم حقيقي
واخِد الدنيا بشكل حقيقي
جاي من بابي ومعاه
شمعه تنور ليا طريقي!!
حلم البنت ده يطلع إيه
غير حنية قلب يا بيه
وربته حنونه فوق الكتف
ولقمه هنيه وحتة بيت؟
دنا عشرية وأهلي حاموني
ولا يوم مره جُم ولاموني
منا من يومي زي اللولي
غاليه وفي الحق تلاقوني
شكلك عيل!!!!
****
غنائية من كلمات
عزت عبد العزيز حجازي
ليست هناك تعليقات:
إرسال تعليق