حقوق النشر محفوظة
-------؛
وياما كتير وشوش
-------------؛
ألبس قناع
واقلع قناع
وياما كتير وشوش
وكأن ف يوم ما كان
ف بالى ألف مكان
روحته وما شفتهوش
فى البحر سمكة
ما ابطلش حركة
وايه يعمل بين القروش
عايش بحارب
لؤم التعالب
وياما حيتان بكروش
وكتير ديابة
حياتهم دى يابا
يخافوا ما يختشوش
وكتير بيوت
بخيوط عنكبوت
لحظة وتروح فاشوش
دى دنيا غابة
فيها العلابة
يتاكلوا ولا بيكلوش
وفى كل بيئة
كام شيخ طريقة
يتلون ولا يهموش
وعلى كيف السوق
يطبل ..كمان يسوق
العبط ولا تفهموش
متدين و علمانى
يقول عال ..مانى
اولى. .ولا يتكسفوش
دنيا المصالح
فيها صالح و طالح
كتروا. . زى الهاموش
والبس قناع
واقلع قناع
وياما ..كتير وشوش
------------؛
بقلم / عادل شعبان
ليست هناك تعليقات:
إرسال تعليق