ليه يا طيب؟
*******
ليه يا طيب
خدت قلبي معاك؟
والشوق يا طيب
وانا اعمل ايه وياك؟
طوِّلت ليه
دي الغيبه والله عذاب؟
والعُمر إيه
غير بس فرح لُقاك؟
آه يانا آه
من كُتر شوقي إليك
آه يانا آه
وانا كُلي ملك اديك!!
أولنا كان
وعود وأحلى كلام
دلوقتي نار
بتقيد وليلي مرار!!
صدقني صدق
لو كان بإيدي انساك
كان سهل اقولك
غدار وخايفه اهواك!!
خليك حنيِّن
إيه راح حتاخدُه إيه؟
من بُعدي عنك
والدمع يملي عنيك
ليه يا طيب؟!!!
****
غنائية من كلمات
عزت عبد العزيز حجازي
ليست هناك تعليقات:
إرسال تعليق