عنيكي قالتلى ارسمها
بلون الطيف
وارسم موجه ف الننى
تلطف ف النهار قلبك
وتلغى الصيف
والغى م السنة فصولها
وكل شهورها وأيامها
وارسم بوصلة على خدك
وساعة يلفها عشقك
تخلى طول حياتى خريف
ماأنا اللى رسمعتلك صورة
والوانها بلون الطيف
وشوفت الشمس مكسوفة
وحلفت تعتزل نورها
وهتغير ف لون طيفها
وتتصور ف جنبك طيف
وليكى ف قلبى ميت صورة
بشوفهم كل يوم ضحكة
مااصلك عايشة جواهم
وطيفك خارج التصنيف
####
الصورة السادسة
####
عاشق شهرزاد
####
الشاعر سمير موسى
ليست هناك تعليقات:
إرسال تعليق