بحبك يا بلدي وبحب نيلك
وسهر الليالي علي ضي ليلك
بحبك يا بلدي وبحب طينك
وبحب زرعك وبحب خيرك
وخيرك يا بلدي علي كل واحد
ولا ينكره الا اللي باعك
فضلك يا بلدي تاج علي راسي
ويشهد ب ده اهلي وناسي
وحبك بقلبي ده شيء أساسي
مين ده اللي يقدر ينسي خيرك
ده كفايه بس علينا نيلك
نيلك يا بلدي بيسري بدمي
وروحي تتنفس هواكي
وكفايه علينا لقبك يابلدي
أم الدنيا ونتباها بيكي
حاميكي ربك من الاعادي
ومن ولادك اللي باعوكي
حضارتك يابلدي بتحكي عنك
وعن تاريخك وعن مكانتك
مكانتك يابلدي ساكنه القلوب
قلوب ولادك وكل القلوب
كل اللي شافك حبك يابلدي
واتمني يجي كمان يزورك
ويشوف أثارك ويقري تاريخك
واوعدك لو شوفت سائح
هحكيله عنك وعن جمالك
وعن أثارك واهرماتك
وعن متاحفك وعن معابدك وعن جبالك
وعن شواطئ كل بحورك
واحكيله برضه عن مساجدك
وعن كنايسك وعن شوارعك
وأنك يابلدي حاضنه الجميع
مسيحي مسلم او يهودي
وكلنا بنحمل إسمك
في مولدنا وبعد وفاتنه
بحبك يابلدي وبحب نيلك
وعاشق ترابك انا وطينك
سعيدالروبي ابوحبيبه 12/3/2016
ليست هناك تعليقات:
إرسال تعليق