بقلم يوسف ونيس مجلع ... ايطاليا بريشيا
اصدقائى الاحباء من سلسلة الكلمات الخفيفة كلمة بالعامية
بعنوان -- ايه اللى غير خلى
يا اخواتى حد يقوللى ------------------ ايه اللى غير خلى
لسه امبارح بيقوللى ------------ ياحياتى ويا للىى و ياللىى
دلوقتى رايح ومولى --------------- وعدى جنبى بالمللى
لا هدى ولا بص لى ---------------- ولا حتى ازيك قاللى
------------------------------------------------------------
كان لهب الوجد مشعللى ---------- وفى عينيه الود باينلى
ياما جالى بورد شايللى ----------- وغنالى ياليلى يالا للىى
ست البنات ياللى ------------------ دمك شربات و محلى
حسنك فى قلبى مخلىى -------------- حبك نار قايدة تمللى
------------------------------------------------------------
كان جنبى زى ظللى --------------- مايلة له وقلبه مايللى
غرامه فى نبضه بيوصللى ------- كلامه فى حبه مفصللى
يقول ياعنيا بشقاوته يسبللى---- اقول ياعنيا بحلاوته اتمللى
ما بين بسمة بتنور لى ----------- و بين همسة بتسحرلى
------------------------------------------------------------
ياخواتى مين يفسرلى --------------- يفهمنى ايه حصللى
كان يشوفنى يهللى -------------------- باحبك كثير قاللى
ازاى اتغير خلى -------------------- يعدى جنبى بالمللى
لا يهدى ولا يبصلى -------------- ولا حتى ازيك يقوللى
------------------------------------------------------------
خايفة الزمان يتغيرلى ------------ وتبان له نيبان تطلعلى
خايفه يروح منى خلى --------- غيرالجرروح ما يفضللى
عنيا تبوح غلبى وذللىى -------- روحى تروح ما ترجعلي
قلبى ينوح حزنى يادللى ------ وعقلى يروح فى الترا للى
يوسف ونيس مجلع -- مصر
ليست هناك تعليقات:
إرسال تعليق