يا فايتني!
*******
حروفي ليه معنداني ..
على ورقه بيضا من قلبي ..
وحلاوة الشوق مآلماني ..
وقصايد العشق بتغني .. ؟!
**
يا فايتني وانت على بالي ..
والذكرى معاك من دمي ..
إزاي يوم هان عليك حالي ..
وف لحظه تبيع حلا يمي .. ؟!
**
يا حبيبي الهجر مش ليا ..
ولا قد البعد ارحم قلبي ..
ده عليم الله إيه بيا ..
من يوم ما لقاك فاتني بهمي .. !!
**
آه يا لهفة قلبي فين انت .. ؟!
عنوانك إيه إبعت قولي .. ؟!
أيامي معاك قصه جميله ..
لو بس ياخدني هواك كلي ..
يا فايتني .. !!!!!
****
غنائية عامية من كلمات
عزت عبد العزيز حجازي
ليست هناك تعليقات:
إرسال تعليق