عامللى صداع
ملا قلبى ب همه وغمه
غير الأوجاع
من كتر ال عينى بتشوفه
جاللى ارتجاع
كلام هايف بشفايف وخفايف
وبدون إقناع
وعقلى خلاص مش لاقيه
تقريبا ضاع
فيس التنابله ابن الهبله
عامللى جنان
ياريت يخفى ونرجع تانى
زى زمان
نكتب من تانى على ورقه
وبكل حنان
حروفنا كان سور لبلادنا
وشط أمان
تسمع لعيل يقول ادعولي
أصل أنا عيان
أو حد تانى فى الحاله
يشعر حرقان
أو بنت هابله وبطبله ومن
غير فستان
كاتبه منشور ومشرشر
بورود بستان
تلاقى مليون تعليق هايف
من الشبان
اللى يدلع ويهشتك واللى
عامل ندمان
انا الصراحه الفيس دوت
جابلى إحباط
دا فيه ناس شبه الجزمه
ونقصها رباط
وناس بتسرق وتقييف
زى الخياط
وناس تشم كلامها ماهو
ريحته شياط
وناس ماتسوى ومعوجه
تقول ظباط
وناس ماتعرفشى تذوق
ولا حتى على غيرها تروق
وكلامها عمره ما يفوق
واحد مهموم
ولا تعرف أن الكلمه بتبث
سموم
وساعات تقرب شبرا من
السلوم
وساعات تنصر ظالم على
مظلوم
وهو دا فيس الهابله ومخه
المخروم
سعيد عباس الضو
ليست هناك تعليقات:
إرسال تعليق