يا كل حبه رمل فى بلدى من قلبى أنا حبك
يا كل طفل فالوطن على صدرى انا حضنك
وبستنى يوم تكبر وأكون أنا سندك
وتكونلى انت امتداد واخد عليك عهدك
بايدنا نحمى الوطن اللى وراه مجدك
يا كل اب فى البلد من الكبار انا عدك
شايلك على الراس ومراعى كمان ودك
لكنى مؤمن تملى
انو لابد جراح
ولوحددنا المرض
أكيد كمان ينزاح
ومش كل واحد رأيه
يخالف يبقى مكروه
طب ليه لما يقول الطبيب
أن المريض محتاج بتر
مش بنكره الجراح
خلونا دايما نتفق
إن الوطن للكل
ومش هيتلم بالغل
ولا يتحمى ب نباح
مين اللى نظم حركه الافلاك
طب مين حمى الورد بالاشواك
مين أحل العنب وحرم الكونياك
مادمنا مؤمنين إن هناك خالق
وهو نفسه اللى قال إن الناس سواسية
ف خلونا نفتح مخنا ونوسع الإدراك
دى المركبة تغرق لو كات ياصحبى مخرومه
والحديد يتلف لو مسكت فيه البرومه
والبنت تطلع ل بره لو م الحنان محرومه
وبلد بحالها تنتهى لو كات الميه مسمومة
وبلد من غير فكر سليم ماتقوم لها قومه
سعيد عباس الضو
ليست هناك تعليقات:
إرسال تعليق