عايش في قمقم
ونونو ومسمسم
وجميل ومتبسم
فقير لكن راضى
ولا عمل قاضى
بيلف ع الفاضى
كترس خربان
ف مكن عدمان
أو كلب جربان
يتحك ف لحيطان
ولا فانوس رمضان
بنات مع صبيان
بيغنوا ع البيان
حالوا ياحالوا
فضل قاعد ف محلوا
جوم عليه يتسالوا
فك الكيس وادينا
بقيش قال ماعيش
قطعوا حته ووالوا
ولسه كتيرتتزالوا
حالوا ياحالوا
بكره العيد
وهتبقى سعيد
والحلم بعيد
مهو راح فحديد
كلها كام يوم
وتوالو
حالوا ياحالوا
عايش سلطان
دم الغلبان
أصبح متهان
مقفوله عليه
كل البيبان
والباش سجان
عايش حيران
مرتب بيزيد
وعلاوة أكيد
والعيشه أمان
مش زى زمان
وياميش رمضان
ويحالوا
حالوا ياحالوا
بلاش تانى تتكلم
ياتمد إيدك وتسلم
ياتقعد وإنت مبلم
عمرك ما هتتعلم
راح اللى راح
ومعدش براح
ولا عاد سواح
والليل سفاح
وكله متاح
ما غيروا راح
والكل هناك اتلموا
حالوا ياحالوا
سعيد عباس الضو
ليست هناك تعليقات:
إرسال تعليق