((منوفى وافتخر))
حطى فيا أوجاعك وزوفى
اصل أنا ابنك ياغاليه
ومين يقدر يوم ظروفى
رغم تعبى برضه ساكت
راضى وأوهبلك حروفى
وبستنى ساعة ماشوفك
لو ف المنام مره تطوفى
أبقى طاير م السعاده
وأجرى وادبح لك خروفى
وأشتري لك كام هديه
أمتى تيجى عشان شوفى
م الفرح بضرب كفوفى
ولو تغيبى ماتيجى ليا
ببقي اتدارى منهم كسوفى
وأحاول أضحك ليبان عليا
وبرضه يبان دمعى وخوفى
اصل الطيبة ياناس وراثه
وانا أصلى راجل منوفى
طابعى حامى وكل حاجه
بس ف حبى ببقى صوفى
أكره اللى يحاول يخونى
وبمزاجى أصرف ألوفى
سعيد عباس الضو
ليست هناك تعليقات:
إرسال تعليق