(( ما بخافش ))
اللى يخاف م العفريت
يطلعلو
وأنا مش خايف
ولو العفريت كان
راجل قولوا له
إنزلو
وأنا سنانه اخلعلو
وقدام أهله راح
أزلو
إذا كان عفريت
أنا جنيى
واهلى للزنقه
عايننى
ومن صغر سنى
شايلنى
جوه العين
والنينى
وربونى وخلونى
فصيح
وقالولى العفريت
مجرد ريح
يخاف م النور
وم التسابيح
وريح الغرب ماتجبشى
معاها بخور
وغير الشرور
ماشفنا من المعفور
وإيه راح تاخد
غير الولعه
من نافخ الكور
وشاهد الزور
لا تآمنه ولا تمشى
معاه
دا لو حد شاورله
بطرف جنيه
هيجرى وراه
وخاين العيش
يبيع أمه
عشان مولاه
سعيد عباس الضو
ليست هناك تعليقات:
إرسال تعليق