رباعيات
يا مأمن للدنيا يا مأمن للميه في ___الغربال
تبات فى حال تصبح فى أسوء _____حال
أفهم ياخال وشغل دماغك ولا تشغلبها بالك
عمرك شفت العسل م بلاص المش يوم سال
========================
شايفين يا ناس مكتوب عليا الهم
شارب مرار طافح ومخلطاه بالغم
صابر ومستنى لحظه______ رضا
الكل كابس عليا ماحد عنده__ دم
== = = = = = = = = = = = = =
شايل هموم الزمن وكتيره فوق الوصف
ليلى سواد كالح ماتشوفو فيه ___الكف
لا جانى يوم فرح ولا شفت مره __سعد
ودبلت جفونى م البكا وحتى الدمع جف
== = = = = = = = = = = = = = =
الدنيا أشبه بساقية قواديسقها __خربانه
كمثل مهرة خسيسه تملى_____ حرنانه
مهما تداديها هى غريبه الوصف الاطباع
الناس بتبعد عن الفقير كأنه كلبه_ جربانه
== = = = = = = = = = = = = = = = الدنيا حالها تملى كيف طبع _____النداله
لا يعرف أصول ولا ميزان ______للعداله
أرمى همها ورا ضهرك وانساها___ خالص
وكلها حاف يغور الخسيس هوه___ وماله
==== = = = = = = = = = = = = =
دورى يادنيا واعملى ما _ _ بدالك
انت تملى كده معروفة__ احوالك
خاينه وغداره وطبعك تملى عنيد
والله متلزمنى __ملعون أبو خالك
== = = = = = = = = = = = = =
وفيكى إيه يادنيا ينبكى ___عليه
وأحمد ربنا مرفعتش اديا إلا_ إليه
ومهما يطول الزمن او حتى يتغير
لاأميل على الندل ولا أقوله يا بيه
ليست هناك تعليقات:
إرسال تعليق