يا جرة واتفجرت
بقت تلاتين حته
وشقافه واتشققت
اتمليت بها السكة
واللى قال اجمعها
عملها شبه التل
يا إما مش فاهم
يا إما عقله اختل
والجره خلاص راحت
يامين يجيب الحل
عايش ومستنى أمل
وراضى كمان بالذل
وقول مسيرها تتعدل
وتبقى فل الفل
دى جره كانت أصيلة
وميتها كات للكل
تروى القلوب العليله
وتنقى منها الغل
دلوقتى صبحت سقيمه
مريضة بداء السل
حتى مزاقها غض
أشبه بطعم الخل
واتكسرت فروعها
معدتشى ليها ضل
ياجره ياحبيبتى
والله حاجه تشل
ضييعتى منى الكلام
والعقل راخر ضل
معقوله هتعودى بسلام
وللا شربتى كحول
هدعى وعندى يقين
ومستنى منه الحل
سعيد عباس الضو
ليست هناك تعليقات:
إرسال تعليق