يا صوره مطوية
منسية ومرميه
كام رجل بتدوسها
وكتير بيعوصها
لا يهمه صاحبتها
وبيخربوا بيتها
وسماها كات صافيه
وزمان كانت دافيه
منقوش على الجدران
الاسم علم على نار
معجونه بكم الطين
مابين خاين وأمين
صفحتها كات بيضا
ومعطره بياسمين
كات نجمه ف العالى
قمر وبيلالى
وليليها بيدفى
للكل بيوفى
بيفيض وبيكفى
وقمرها كان شحرور
يبدر فى أرضى النور
يطرح نخيل وزهور
فلاحها كان هايم
على حبها نايم
ف فجرها قايم
فى الخير كان عايم
دلوقتى بقى صايم
اجبارى مش رغبه
عايش على الوهبه
فى أرضها الرحبة !
ونيلها كان فياض
مصاحب الصياد
ومركبو النونو
والدفه قد الكف
يحميها بسنونو
ولا عليها يحف
لو يطرح الشبكه
ترجع بلا ربكه
مليانه بالخيرات
ولما التعلب فات
كترت الظلمات
والزرع لخضر مات
والكل قام بنايات
بيوت على عمارات
وراحت الثروات
لا قمح ولا بدنجان
لا حقوق إنسان
ولا رفق بالحيوان
ولا حد قام رد
ولا قام بسرعه اتهد
وهو اتبنى ميت سد
حزين على الصوره
وفى قلبى مكسورة
ياريت بجد نفوق
ونصحى حلمنا المخنوق
ونتعلم الأدب والزوق
هنطلع بسرعه لفوق
وايدينا مع بعضنا
لو كان أمرها يهمنا
دا ترابها هيلمنا
والله بكره تروق
ونشوفها معموره
دا الأصل والله
أجمل من الصورة
سعيد عباس الضو
ليست هناك تعليقات:
إرسال تعليق