(الحلم جاى)
راح اللى راح
والباقى جاى
قلوب تنام ترتاح
وقلوب بتعزف ناى
قلوب سداح مداح
وقلوب تقول جاى
راح اللى راح
ومضلمه سودة
كلأ مستباح
مش باين لها عوده
نهار بقى رمااااااح
ونفسه مسدودة
وليل بقى سفاح
وضهور مجلوده
عاشق ومداح
بمزامير مفسوده
ومدحه كله حبال
على الرقبة معقوده
راح اللى راح
وحلم مفتوح لبكره
يجى ف أيده صباح
مولود من الفكره
للكل يبقى متاح
مفهوش واحده نكره
راح اللى راح
والحلم شكله جاى
واللى كان دباح
بكره نقوله باى
وتعود الليالى الملاح
ونسهر ونشرب شاى
راح اللى راح
والحلم لازم ييجى
حاسس بنفسى ارتاح
والدم فط ف وريدى
قوم ياحلمان بالبراح
وحط إيدك ف أيدى
سعيد عباس الضو
ليست هناك تعليقات:
إرسال تعليق