((اسمك علم))
رغم الألم رغم الجراح
لسه حاسس إن قلبك
فيه براح
يساعى كل العاشقين
رغم الدموع
المتحجره في عنيكى البريئة
شايف الحقيقه
أوضح من شمس النهار
باختصار شايفك مياله
للرجوع
وأنك مش غاويه
الخضوع
ولا الخنوع
واللى على وشك
مش دموع
دى نار بتكوى
في مهجتى
بتزيدنى إصرار
للوصول لجنتى
بتاجج الشوق
فى محبتى
وبرغم احساسى
بغربتى
وانى ضاعت
عزوتى
لكنك مازلتى
قدوتى
ونارى بتضيع
فى لهفتى
وسكاتك مقيد
حريتى
واللى صحيح
مهوش مريح
إن اللى صابك
واللى عابك
مش غريب
دا أدين ولادك
والجرح لما يجى
م الغريب
شىء بسيط
إنما لما يجى
م القريب
دا أكيد غريب
وشىء مريب
يا صابره على
مر الاسيه والازيه
ومعدومى الضمير
والمفتاريه
ولسه شامخة كالجبال
والله محال
تنحى لو دمى سال
ولو فرع مال
يتقطع وتفضلى
باقية
دا إنت االى وهبك ربنا
نهر م الجنه
واللى مايخليك
علم على جبينه
لا عاش ولا اتهنى
ولا يدخل الجنه
إلا ان قرا إسمك
ف ترتيله
سعيد عباس الضو
ليست هناك تعليقات:
إرسال تعليق