(( مش هنساكى))
حبى لكى متنساش
وعمرى اللى راح معاكى
مرحشى بلاش
كل همسه حب ليكى
كل نظره في نور عنيكى
كل طلعة قمر كات بتناجيكى
والنجوم اللى غايره منك
والشمس وهى رسمه
خيوطها فيكى
كل دا لسه منتهاش
ولا تنساش
ولا راح مجاش
جوايه عايش وهتنى فاكره
ليوم مايجى يومى قبلك
ويومك انتى يكون مجاش
فاكر كمان خمرة شفايفك
مرات كتير عقلى ذهب
هامت في ملكوت اللى وهب
ليا وليكى الحياه
حبك إنت خلانى أبلغ رضاه
روحى راحت فوق القمر
لولا بلوغ حد الخطر
كان نفسى أوصل منتهاه
واسكن بعيد عن البشر
مع الكواكب في سماه
بعيد عن الأحقاد والضجر
عن كلمه فيها حرف آه
اجيب كلامى من قاموس
ميعرفوش إلا أوراق الشجر
أو الزهور تحت حبات المطر
ويبقى لغتنا سوا
يتعلموه أهل الهوا
يوصفوه الاطبه دوا
للى يكون ع الحب نوا
ويكون شريف
ميكنشى إيمانه ضعيف
ويكون صريح قلبه نضيف
الحب عند الله منهج حياه
5/5/2017 يوافق يوم ميلادى
هذه القصيدة لزوجتى المخلصة
ليست هناك تعليقات:
إرسال تعليق