شفت نور الفجر
فكرنى بابتسامتك
وانتى جايه من بعيد
بس قبل الهجر
كانت طلعتك
بالنسبة لى عيد
ولا نظره من عنيكى
قبل ما ضيع من ايديكى
كانت في عمرى تزيد
ولا لما كنت أحس
بالنبض ف وريدك
كنت أشعر بالدفا
يسرى ف كيانى
وإحنا فى عز الجليد
ولا نهار ما تزورينى
كان يبقى اليوم لونه فاتح
زى ورد بلدى لسه صابح
والندى ع الاوراق بيلمع
من بعيد
إيه بقى غير شعورك
يللى القمر هايم ف نورك
والنجوم علشان جمالك
تتمنى تزورك
وأنا وقلبى اللى قبلك
كان حديد
ولما عاش لحظات معاكى
وداق حلاوه لقاكى
أصبح سعيد
كأنه مولود من جديد
وانتى طبعك زى مانتى
مهما أغيب
أو اروح بعيد
يفضل عنيد
سعيد عباس الضو
ليست هناك تعليقات:
إرسال تعليق