سيبني أمشي! كلمات عزت عبد العزيز حجازي

سيبنى أمشى من سُكات ..

من غير ما اسجل حتى ليك ..

كلمة عِتاب ..!!

**

سيبنى أمشى من سُكات ..

                          من غير ما أفتح من تانى بعدك ..                         

يا حبيبى أى باب ..!!

**

مش ناويه اكون من تانى أبدا ..

لعبه ليك بين إيديك ..!!

مش ناويه اكون من تانى أبدا ..

دمعه سايله واغير عليك ..!!

**

لو كُنت أعرف إن غدرَك ..

راح يبان وسط الطريق ..

لو كنت أعرف إن قلبَك ..

أوام يغيَّر طبعُه فيك ..!!

**

أنا كنت أقدر أعيش حياتى ..

من غير ما اسلم قلبى ليك ..!!

وكنت أقدر أمشى وحدى ..

فى سكه تانيه ما فيهاش عنيك ..!!

**

أنا كنت ليك زى الشموع ..

لما تبوس خد اللهيب ..!!

أنا كنت ليك زى الشطوط ..

لما تمد إيدها لغريق ..!!

زى المراسى للسفاين ..

وهى راجعه من بعيد ..!!

أنا كنت ليك ..!!

**

دلوقتى بانت يا حبيبى ..

كِدبة عنيك ..

كان وهم اصدق يا حبيبى

إحساسى بِيك ..!!

**

محال حاليِن من تانى أبدا ..

واشتاق إليّك ..

محال حاضيع من تانى أبدا ..

وابقى َفى إيديك ..

أنا كنت ليك ..!!!!