((( عيون غزلان )))
أجمل عيون غزلان شفتها
ف عمرى
من حسنها حيران أنا
ف أمرى
ومن جفنها مولود وراضع
من الننى
لكنها
يا ميت خسارة
عينها مفتوحين على برجين
حمام
وجنبهم شجرة زيتون
غربان كتير مترصدين
مستنيين لحظة منام
تيجى في عيون الحمام
الليل بيتسحب ف الضلام
وفضله يمكن خطوتين
ويبات على شجر الزيتون
والحمام بالطبع لازم ينام
ويبان شخيره ف صوت
السكوت
والنوم بيقولو انه موت
وأنا اصلى مش خايف
إلا من موت الحمام
لأنه بيرمز للسلام
وساعتها يبقى ع الدنيا
السلام
سعيد عباس الضو 25 أبريل 2017
ليست هناك تعليقات:
إرسال تعليق