حاولت أملك مهجتك
شكلى مقدرتش
غيرت لون شمس النهار
وقلت يمكن تثير غيرتك
اتارى قلبك بحيرة تفرش
جميع الألوان
الكل منه شارب ومرتوى
بـ حنان
فرحان مع المبسوط
حزين مع التعبان
حتى ساعات الصفا
الرشفه من خمرك
تخلى قلب العليل
سكران
وأنا اللى كنت غبي
فاكرنى همتلك قلبك
بهمس حبك عرفت
إن انا الغلطان
الحب مهوش امتلاك
الحب أخد وعطا
وقت التعب بيبان
وقت القضا سلطان
وقت الغرق قبطان
وسفينه الحب قلبها
واحة براح تكفى بدل
الحبيب مليون
وحبيبتى أنا قلبها
يساعى كل الكون
سعيد عباس الضو 27 أبريل 2017
ليست هناك تعليقات:
إرسال تعليق