لغة الإشارة
تعالى نتكلم بالاشارة
يمكن يكون مفهوم
يمكن يكون الكلام
بقى طعمه ماسخ
أو مهوش معلوم
وأنا فاهمك انتى متعلمه
واخده شهادة لبتدائى
ودارسه فيها العلوم
وأنا راجل علامى
مفيش
حياللا واخد حته شهادة
ماضى عليها حته عميد
فما يستويش
وحياة علامك واللى علمك
عايزين نعيش
فما تفتريش
إن كان على الليل اللى سود
عيونك فما تخفيش
أنا بايديا امسحو والمعو
بضوء الصباح
أو حتى ممكن الملمو وأجمعو
لو جات عيونه يدمعو
ويقول سماح
ابدا لمكنن يشفعو
ولا يمنعو
لو لخلخ جدار الشمس وقعو
وبودانى التنين اسمعو
أو راح بطولو للقمر يتاحيل
عليه ويرجعو
أبدا مفيش
غير إنه يجيب النهار من مضجعو
فيطفش الخفافيش
بس المهم في حضرتك
يكون عزمك أكيد
من غير قيود نرجع
نعيش
من أشعار
سعيد عباس الضو
الغنائية
ليست هناك تعليقات:
إرسال تعليق