-------؛
حدوتة بدر و دار
بنوتة ضى نهار
سارحة ليه عنيها
وخدودها ف ايديها
وردة والشوك عليها
بيخاف من الصبار
------؛
حدوتة قالت ع الجميل
دا كتيرة ... أحبابه
وبنظرة علينا بخيل
وأهو .. كله بثوابه
تتحاكى .. قصتها
مشيتها .. نظرتها
وعيوننا لشباك بيتها
بصاله. . ليل و نهار
-----؛
وبدر يهوى السهر
وتبكى ليه عيونه
غوانى. .حب وسفر
ولياليا. . ما يهونوا
هانت لى قسوتها
بتدارى. .. رقتها
خلونى. . حبيتها
وامشيلها بالمشوار
-----؛
حدوتة بدر و دار
بنوتة ضى نهار
-------؛
بقلم / عادل شعبان
ليست هناك تعليقات:
إرسال تعليق