جمال ربانى
…………
من تانى
رجلى واخدانى
على الترعة
ف قعدة رايقة
على النجيلة
تحت نخلة
اقعد ادلدل
رجلى ف الميه
.نسيم عليل
يطوف بيا يسطلنى
وعينى سارحه
فى ملكوت تانى
ف جمال
الزرع والخضرة
وناس كتير ف الغيطان
بيزرعوا
الخير حواليا
ودخان نار
يعملوا شاى
ويعذوا عليا
وانا مش
سامع إلا صوت
خيالى
وهو سارح فيك
يا ا م الجدايل
دهب اصفر
سارح على صدرك
وعود القصب
رسمك
غزال
بيمشى يتمخطر
وانا سارح فيك
ومش
شياف ولا سامع حاجة تانى
وأحلامى
خدتنى بعيييد
وانا لسة ف مكانى
ورجلى
لسة فى الميا
جت عليا
المغربية تنادى عليا
قمت من مكانى
ركبت مداسي
طار بيا
ورجعنى مكان
ما كنت
من تاااااانى
……………..
بقلم / جمعه يونس
مصر العربية
ليست هناك تعليقات:
إرسال تعليق