قالوا الدلال عليك لايق
خايل فى لبس الخلايق
محبوب من كل الخلايق
يابوشال قطيفه واه ياليل
غرب البلد ياغزال ساكن
وفى القليب حبك ساكن
لغرامك ٠٠ محتاج لمسكن
يابوشال قطيفه واه ياليل
انايوم عيونك واعدونى
ببحور ٠٠ غرامك وعدونى
على جسر رموشك عدونى
يابوشال قطيفه واه ياليل
حيرت قلبى بمواويلك
واناكنت عاشق وهاويلك
تعبت خلاص من تهويلك
يابوشال قطيفه واه ياليل
شايف الهوى طوح شالك
اناقلبى راح لك ومشالك
وفارش رموشى الممشالك
يابوشال قطيفه واه ياليل
فى المشيا غزال وبتدلع
والقلب فى غرامك ولع
بحلاوتك لضروس هخلع
يابو شال قطيفه واه ياليل
؛؛؛؛؛ابومصطفى الهوارى؛؛؛؛
ليست هناك تعليقات:
إرسال تعليق