سعادة معالي المواطن صفيح
حفيد الأشارجي
إللي عدي الإشاره
وحنط مشاعره في طرف الرصيف
وساب نقطه سوده
في عب الرغيف
عشان بكره يشرب في جردل نضيف
ويمسك صوباعه
ويقطم في عقله
ويشرب في كاسه مجاري المحيط
يبيض ترابه
بشعر وأغاني ويعزف بقلبه كلام مستباح
وتطرح عيونه كلام الجرايد في مانشيت قايل دي قصة كفاح
يامخزن بضاعه معبي في كلام
وع الورد رافض
تريح تنام
وعايش في عصر الحكاوي القديمه تشد المراكب
في حجرك يوماتي
وتلعب في سيجا مع الميكروباص وتفضل ليلاتي تعبي في أزايز
ويقطم لسانك بارود الرصاص
عشان خاطري بلبع في ليلك خلاص
أخوك المواطن في عرف التناص
ليست هناك تعليقات:
إرسال تعليق