قصيدة بعنوان(يكفيني)
بقلم الشاعر(عرفات الامير)
مصر/قنا/الوقف/٢٠١٧/٣/١٥
"""""""""""""""""""""""""""""""""""""
يكفيني الشر أنا فرادي ومش حمل كلام
جرحك خلاني أقول عادي وبكفاية ملام
ياما من عمري أنا اديتك ولا قلت بكام
فجأة تقولهالي كدا ف وشي روح يلا سلام
راح أعمل إني مش سامع ولا علي وشي يبان
ما اهو اصلي إللي يحب بقلبه نظرته موال
يفهم مضمونه الحر إللي معدنه دا تمام
طب راضي قلبي بكام كلمة او حتي سؤال
افتكر العشرة ولا خلاص هانت وبقيت نسيان
دنا ياما في النني شلتك وفضلت انا سهران
احكي مع قمري وافضفضله عن حبي زمان
لما كان عودك لسة اخضر ولا عود رمان
لما كان رمشك دا صغير والسيف دبلان
عاوزني اقول لك كدا تاني ولا كفاية حرام
عاوزني ازود احزانك ولا ربك ستار
دا ما يطيق جرحك غير إللي بيك هيمان
ليست هناك تعليقات:
إرسال تعليق