ماشى فى نور الله
بعد الزيادة فى فواتير نور
حمدت ربى بكل سرور
وقلت ادفع كده الافات
للكهربا ولنورها حاجات
وقلت ربى كريم وعظيم
بينور الكون بلا مليم
الشمس يعنى تشع فى نور
وتنور النور كده على طول
بنعمة عظيمة ربانية
تدينا طاقة مجانية
وفواتيرها حمد كتير وسجود
عرفان وشكر بأقصى حدود
للخالق الواهب بالجود
على عبده يعنى المخلوق
والشمس بتنور بميزان
مسافات دقيقة فى كل مكان
سبحانه ربى الرحمن
خالق بشر وكمان اكوان
وبالليل قمر نوره موجود
يسجد يسبح للمعبود
واهم نعمة نور العيون
منحة من الوهاب كده على طول
يحس بيها ضرير مكلوم
ويتمنى يخرج كده للنور
لو كنا ندفع كده فواتير
لنور الاهى بالتيسير
ندفع حياتنا وهى قليل
عرفان وشكر لرب عظيم
وندعيه فى صلاتنا كده ساجدين
يرحمنا من دفع الفواتير
للكهربا بالدفع كتير
والخوف يحاسبونا ده فى يوم
شمس وقمر ونور العيون
وهى منحة رب الكون
لمخلوقاته بدون معلوم
يارب اصرفهم على طول
احسن يحاسبونا بجنون
ويدخلوا بنود فى الفواتير
لحساب اضافى بشكل كبير
لنور بطاقة شمسية
ونور بوحدة قمرية
ونور الاهى للعيون
ونور ده مخصوص بالليمون
ارحمنا يارحمن من نور
يخلى العاقل كده مجنون
بلاها نور وبلاوى معاه
وحمشى دايما فى نور الله.
مع تحيات الفقير إلى الله
ياسر شرف
كبير محررين مترجمين
باتحاد الاذاعة والتلفزيون
ليست هناك تعليقات:
إرسال تعليق