عايش مكانى واحيد
لسانى ناقص نص تانى
كان نفسى فيها
عايش ملازم وحدتى
اهو حتى كنت افرح بيها
لو كان لى اخت
كنت هوهب حياتى ليها
والاخت ايه غير نبع صافى وحضن دافى وقت ضيقه
وشويه ضحك وحبه فرحه وحبه طيبه
وتخبى عنى لما مره اعمل مصيبه
واخاف عليها من الهوه لو يجى حتى يمسها
وسلمها يبقا من بيعد ولا الغريب ولا القريب يلمس اديها
لو كان لى اخت
كانت كل قصيدى ليها
وغير عليها من الهوا وكنت يوماتى اغازل فيها
بس ده لو كان لى اخت
عايش بنص وحدانى عايش فى مكان مش فى مكانى
عايش وحيد ناقصنى قلب على قلبى تانى
كان نفسى فيها
كان نفسى تفرح وافرح بيها
او حتى تاخد منى حاجه
او يمكن اكون فاشل شويا كانت هيا تزودنى بيها
اختك دى جنه اوعاك فى يوم تيجى عليها
هاتشوف جمال الدنيا فيها حافظ عليها من كل عين
اوعاك فى يوم تجرح شعرها او يوم تبكيها
خدها صاحبه وام ليك اوعاك فى يوم تكسر خاطرها
خليك سندها فى وقت ضيق خليك حماها وخاف عليها
واكتب قصايد مدح فيها
لو كان لى اخت
كانت بس تشاور هيا او تتمنا
بنسبالى هيا الجنه
لو هتمنا فى يوم امنيا هتبقا هيا
هيا اصل القصه ديه انى بس مش عندى اخت
لو كان لى اخت
كنت اسلم نفسى ليها واطمان بروحى ليها
هيا دى احلها عيشا
هيا عنوانى ومكانى هيا جزء من احلامى
لو مره تبكى كنت اطبطب
لو مره ازعل كانت تهون
وكنت افرح بفرحها وهابقا خال
قلبى داب فى شوقى ليها
بس ده لو كان لى اخت
ليست هناك تعليقات:
إرسال تعليق