سلاح فى يد الجاهل
.......................
سلاح فى يد الجاهل يدمر امة وتاريخها
وحقيقة الامر تستاهل وتستاهل تبويخها
كلاب من جبنها نخت وعضت اللى له واقف
وحبت ذل واتذلت وعايزه تكسر الناشف
وحلم راوض المجنون بدون سلم لفوق يكون
بسحر اسود عمل الطوق وفاكر نفسه رب الكون
وناس فى الحيط بتدارى وماده بأيدها سيناره
بتستلقط فى ليل اسود كما الوطواط فى مغاره
وناس ماشيه مع الموجه فى سرب طالع فى هوجه
على شلال واخدهم زمن اعوج ودى الموضه
رجال بشناب تنبطح عشان المال تتسطح
وميهمش مين الراكب ومين راح ينزل ويفضح
بقت عاده ومحبوبه مهى الرقاصه مطلوبه
تكون عنيات او بطه تكون ماشيه بزنوبه
نهاية القصه فى المكسب وفى التعريص سبوبه
وميهمش مين يركب ومين يكون فيها ركوبه
قلوب صابها المرض عتت وفيها العزم اتفتت
لاهى نافعه ولا شافعة وبتحاول ليك تعدد
وعد معاهم المشاريع وحاسب لواحد يضيع
وتترمى عليك تهمه تشيل اللعب والمواضيع
سلاح فى يد الجاهل يدمر امة وتاريخها
وناس للفقر تستاهل باعت بأيدها شرفها
وحقيقة الامر تستاهل وسيبها بلاش تعنفها
تلوم حرمة نسيت الله وعارضه الدعر وشرفها
بقلم محمد البلاط
ليست هناك تعليقات:
إرسال تعليق