يا للى عيونك فجر
وابتسامتك ضحى
انا لسه بصلى الفجر
وبدعيلك بالهدى
بحب ريحة الشتا والصبح بدرى
والعيال تحت المطر تفرح وتجرى
وولد وبنت صغيرين مساكين ايديهم على المدرسه
حب الصغر كان احلا صحبه وناس بريئه كويسه
حب الشتاء كان عندى عاده
افتكرت اخر قصيده كتبتهلها
كان وشها مليان سعاده
اسمها جه فى القصيده غصب عنى
كل حاجه فى شكلها كان فيها منى
والفراق كان اقوى منها واقوى منى
ويمكن يكون غصب عنها بس عادى
انا عمرى في يوم ما كرهتها
بس اللى فاضل منها
هوه بس اسمها
بس الحقيقه انا قلبى شبعان منها
بس رافض حبها
انا مش هلاقاكى فى الدنيا
لاكن هلاقاكى فى الجنه
ليست هناك تعليقات:
إرسال تعليق