(أين أوطانى) الجزء الخامس
فين العروبة اللى كانوا يحكوا ويتحاكوا بيها
فين العروبة اللى كان الظلم يخاف يجاريها
فين العروبة اللى كانت حلم للغرب وحقيقة
فين العروبة اللى كانت كل دا راح ف دقيقة
فين النخوة يا عرب وفين هيه الشهامة
والرجوله راحت فين والحق إلى كان علامة
دولوقتى متكتفين ومش سامع ليكم حس
بقيتو خلاص متغربين وعايشين بألف وش
فين النخوة ياعرب وفين الصرخة القوية
وليه الظلم إلى باين وهو بيذبح ضحية
وليه الصورة باينه عتمه ومقفوله
حاسسها كأنها خايفه تظهر الصورة
فين النخوة ياعرب وفين الوفاء والود
وفين الضمير إلى كان للحق بيمد
وفين الطريق إللى كان مفتوح لجل يشد
فاتح دراعاته لغريب بعد ماحيله إتهد
فين العروبة اللى كانو يحكو ويتحاكو بيها
فين العروبة اللى كان الظلم يخاف يجاريها
فين العروبة اللى كانت حلم للغرب وحقيقة
فين العروبة اللى كانت كل دا راح ف دقيقة
فين العروبة اللى كانت بتنادى بالسلام
فين العروبة اللى كانت مهد للأديان
فين العروبة إللى كانت حضن للإسلام
فين العروبة إللى كانت بتثور كما البركان
فين الضمير إلى كان صاحى ومفتح
وكان رغم الحزن تشوفه وعنيه بتفرح
راح مع الطوفان والأرض خلاص بتنده
راح زمن الإخلاص خلاص معدتش ينفع
محمد شفيق مرعى
29/10/2016
ليست هناك تعليقات:
إرسال تعليق