شكرا اوباما قلت من حقنا الدمقراطيه
شكرا بجد حققت هدفك وماتو الثورجيه
شجعت مصر علي الحريه زي الامريكان
فرحت لنجاحك وسقفت لما مات نص الميدان
ديمقراطيه مين وانتا اللي بتختار الرئيس
فعلا تخلف ان احنا نموت علشان نعيش
الشعب ثار عشان الحريه ويعيش شريف
النص مات واللي عاش مش لاقي حق الرغيف
مصري اللي مات ومصري بردو اللي ضرب
عايزين رئيس ونسينا يا اوباما ان انت حاكم العرب
عرفت تقسمنا عشان احنا نحارب بعضينا
عرفت تموتنا بذكاء ويكون القاتل منينا
عرفت تفرقنا بجد ومحمد يحارب في مينا
وانا اشهد بجد ان العيب مش فيكم لا فينا
نسينا كلنا في مركب بس انت قبطان السفينه
ونسينا انك بتلففنا مع ان قدامك المينا
نسينا انك اكبر عدو وبتظهر انك حامينا
تجوعنا وتاخد فلوسنا عشان من خيرك
تدينا
تشبع من حاكم تشوف غيره وتقوله شكرا افندينا
وتشوف مين اللي تساعده علشان يقدر ينهينا
عارف تضلم قدامنا عشان نشوف اللي ورانا
عرفت تكسر احلامنا وصلت رسالتك يا اوباما
قلم . محمد سالم
ليست هناك تعليقات:
إرسال تعليق