( ميت صبابة)
أهرب لغيرك أوصل لحدك
سابقني دايما ف الخطوة مدك
دايما بفابلك لو مش بقابلك
نفس انهزامي قربك وبعدك
عاصي عليا . أهجر خيا لك
وخيالي كله . والحلم قاصدك
تطلق سهامها نطرة عنيكي
لحظة ما أنوي م الحلم طردك
ينساب لي عطرك بين الحنايا
ماقدرش اقاومك وﻻ أصدك
أخنق بيانك . واعلن نهايتك
تأمرني شمس المنا أردك
راغبك ورافض طوع انكساري
وسقوط شموخي لحظة مااشاهدك
ورغم طعم العدم في ريقي
بدوق في قلب المرارة شهدك
معرفش ودك . ح يكون نصيبي
وﻻ نصيبي . م العشق صدك
أسراني كلي وكلي عاصي
يتوب في مرة ويبقي ضدك
ف عروقي جمر الهوا وشوقي
أغسل نيران . الهوا ببردك
ميت صبابة . لكني عايش
مستني قهر اﻷسى بوعدك
لحظة مايكتب قلبك ميﻻدي
واشوف واحس بوجودي قدك
بقلم ... جﻻل معوض
ليست هناك تعليقات:
إرسال تعليق