فيه اللى جاف محترم وفيه من الرصاص صاب ناس
وفيه اللى جيه من عدم كتب الحقيقه وداس
ما همهوش يتكسر او من بشر ينباس
كتاب بتكتب قصص من الحياه ومن وهم
تركيبه تشبه شبك واوقات بتشبه سهم
بسهولة فيه تنشبك يا بجرح ينزف دم
اصل الضمير انحرف ونتحه اصبح سم
يا شاعر اسمه اتعرف بين البشر موهوب
ليه للهلاك تنجرف وتكون حروفك طوب
تكتب كلام اتعرف انه كلام معيوب
كام شيك لك انصرف امتى تعود وتوب
بتبيع ليه الوطن وتبيع ليه الناس
فرحان فى اللى اتسجن واللى انضرب برصاص
بتبخ نار وسم وبدون اى احساس
بزنبلك شغال وشغلتك رقاص
لا شيلت هم لوطن ولا بكيت على ناس
بليتشوا من غير قدم ولا ايدين ولا راس
جابوله ورقة وقلم وقالولوا اكتب عاش
سجان لمريض سجن وحرمه من الانعاش
اقلام تحس الألم واقلام بدون احساس
بقلم محمد البلاط
ليست هناك تعليقات:
إرسال تعليق