(( مابين البرد والمطر ))
ما بين البرد والمطر
وبرده حاسس بالدفا
لو رعد وبرق مش مطر
طول ماقلوبنا
في إخلاص ووفا..
هانعيش في قلوب بعض
ودقات قلوبنا تخلينا
أسعد اتنين في السما و الارض
ويغني الطير حوالينا
وعصفور يوشوش عصفوره
يقولها تيجي ناخد صوره
واحط إيديا في ايديكي
ويميل جناحي علي جناحك
دا الضحكه دي اللي في عنيكي
سر حياتي و حياتك
وبحبك..
بحبك يا حُب حُر
محسسني بالآمان
بحبك.....
يا أجمل قلب
معلمني الوفا والحنان
شوف الهوي بيعمل إيه
بيخلي الغصن يميل ع الغصن
ونقول إحنا.. دا فصل الربيع
بس المداري.. واللي ما
نعرفوش
إن الشوق غلب الغصن
وخلّاه علي حبيبه يميل
دا الحب في كل حاجه
والشوق أكبر دليل..
ماهر البساطي..
ليست هناك تعليقات:
إرسال تعليق