عايز تحقق حلمك فوق
تعالي نعلي مصر لفوق
ايدي في ايدك نبني وطنا
مصر اشتاقت عايزه تجيلنا
مشتاقه تشوف للشمس شروق
عارف ايه كلمه وطن
يعني احارب الظلم فيه
يعني اعيش خايف عليه
اسهر طول الليل للحدوده
في عز الحر وعز بروده
رافع راسه وانا اللي حاميه
وطن يعني ام تعيش الامان بحضنها
يعني ارضك يعني عرضك وجوا قلبها
يعني ابوك وجدودك اللي زرعو اصلها
وطن تبقي نحله فيه وهوا الخلايا
وطن تشوف نفسك فيه زي المرايا
نقطه ميه علي حبه تراب تبقي زارع
وطن يضمك وبين الشعوب عايزك بارع
وطن يعني انتماء ميعشي فيه واحد خاين
يعني تشوف ارضه خضرا كلها زي الجناين
وطن يعني نيل وارض وجبال وصخور
يعني تضحي بحياتك عشان تخلق ليه النور
اسم بيشرفك مكتوب في شهاده ميلادك
وطن يعني هو اول حاجه مهمه في حياتك
وطن يعني مفيش فرق بين دين ودين
مسلم ومسيحي اخوات وكلنا عايشين
يعني محمد زي حنا نبني ونعلي في وطنا
يعني ايد واحده ونحارب اللي عايز يفصلنا
من امتي مصر بتتقسم فيها الاديان
من امتي مصر بينام فيها واحد جعان
مصر وطنا مصر ادتنا وهيا دي بتنا
ايدك في ايدي لرد جميلها أن الأوان
عايزين نرجع وطنا ونشوف مصر بتاع زمان
يلا نفوق وبصرخه صوت نرجع تاني بلادنا
يلا لو هنموت عشان بكري يعيشو اولادنا
بقلم. محمد سالم
ليست هناك تعليقات:
إرسال تعليق