الوحده الوطنيه
يعنى إيه وحده وطنيه
وحده وطنيه يعنى
مصر ليك زى ماليا
تلاحم شعب حب احترام
من الاخر ملحمه شعبيه
يعنى أسمع صوت الجرس
مع الآذان وعدونا هرس
ماشيه فاطمه جانبها ماريان
وأنا ماشى فى رمضان شاب
سعيد فرحان بيوزع تمر وعصير
رمان
بيقولى اتفضل قلتله مسيحى
قالى وأيه يعنى ما أنا كمان
حلف وعطانى أخويا شعبان
شوارع فرحانه بعد الآذان
ومزينه بالفوانيس وكله يهيص
وبيعيد شيخ وقسيس
وعلى القهاوي تحلى السهارى
أصحاب سهراني لبعد السحور
ما أتفل باب
سهران مينا مع محمد ويوسف
وعبد التواب
يجى العيد بخيره كله يشد حيله
شوارع فرحانه بالحبايب مليانه
مريم وحبيبه وجومانه واحمد
واندرو بالفرحه عيونهم مليانه
وحده وطنيه
يعنى أكليل وقداس مليان
بكل الناس
وفرحه مع دق أجراس
ومباركه للعرايس وهتاف للناس
قلوب مليانه فرح وأخلاص
حب لبعضهم لا ينقاس
بقلب واحد واقفين أصحاب
محمد وميناوكيرلس وعبد الواحد
ومنعرفش منهم واحد من واحد
هى دى الوحده الوطنيه
فى مصرنا البهيه
وملناش دخل بالفتناويه
مصر هى دى وهى زمان
ودلوقتى والأيام اللى الجايه
بقلمى Andrew Farag
Doha 28/8/2016
ليست هناك تعليقات:
إرسال تعليق