مسافر
كبرت ونشف عودى قلت أثبت وجودى أتجوزت
وبقى معايا عيال أتململت لا تعبت ولا متعال
فيكى يا بلد
فضلت أهابر ومعدتش قادر قلت أسافر
قلت أسافر ولا أهاجر جبت تأشيره. وسافرت
وقلت سنه ولا أتنين وأرجع لضى العين
وسنه ورا سنه وشربت الضنى قولت
وماله كله على حاله يغنى مواله
وفضلت مسافر والثوره قامت قلنا
هتتعدل الأحوال والحمل هيتشال
وثوره ورا ثوره وهى نفس الدوره
بلدى يا أمى يا سبب همى بعول همك
ليه معولتيش همى
أنا بحبك تكرهينى اجى أضمك تبعدينى
مطفشه ولادك وضامه الغريب انتى
ليه طبعك عجيب الغريب فيكى يرتاح
وولادك يجنو الجراح
ليه وأولادك دمهم غلا وغلا ورا غلا
الكل داق الضنى مبقتيش مصرنا
لا انتى مش أمنا ولا أحنا ولادك
أنتى بقيتى غريبه عننا والظلم سادك
ضريبه بعد ضريبه ،،،،،،،،،،،،،،
ضريبه على القمامه ،،،،ضريبة مبيعات
مشتريات ،،،،، كهرباء ،،،،،دخل
ضريبة ،،،،،،،،،ضريه ،،،،،،،،
واخيرا ضريبة مسافر. هوفى ايه
أنا مش أبنك أنا مش بيكى كافر
ولا بايدى أسافر ولا للسياحه مسافر
ولا فى خيرك مشارك أنتى حرمانى
أنتى عليا قاسيه وعلى أحوالى مش راسيه
انا هنا بقاسى والمر وصل راسى انا هنا
باكل الزباله واصل ليلى بالنهار علشان أكمل
المشوار لا قاعد فى فندق بدفع كام مليون
ولا محروم الهموم
قالوا مجلس نواب أنتخبنا ناس قلنا منا أقراب
طلعوا عن مشاكلنا أغراب ومنافقين أتباع
موافقون ورافعين شعار الميتون
لا أرى لا أسمع لا أتكلم
بقلمى. Andrew Farag
Doha. 22/8/2016
ليست هناك تعليقات:
إرسال تعليق