....الضحــــك وصـــداه .....
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
أنا بقول ياغاوي تضحك
الضحك ياصاحبي أنواع
ضحكة م القلب صافية
وضحك ع الشاري من اللي باع
ضحكة مولودة م الفرح
وضحكة جايبة معاها دموع
وضحكة تبارك لقلب حبيب
وضحكة دمعة من فؤاد مخدوع
وضحكة من حبيب معذبك
ومنزل من العين الدموع
وضحكة تقول راجع
وضحكة تقول مفيش رجوع
وضحكة بنضحكها على الدنيا
وضحكة الدنيا تهز الربوع
واللي ياخد الجد هزار
تكون آخر ضحكته دموع
وضحكة تسخر من الخلق
تشق الليل بصوت مسموع
وضحكة بتشتكي للقدر
ظلم باين كسر الضلوع
أضحك براحتك ياصاحبي
بس اوعى ضحكتك
تطفئ شموع
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
الاديبــة/... عبيـــــر الجنـــــــدي...
...(همسات استثنائيه).
ليست هناك تعليقات:
إرسال تعليق