البقـــرة الحلـــــوب
البقرة عايشة وسطنا
فيها حياتنا وأمننا
هيّه ملاذنا وحصننا
وخيرها فايض ع الجميع
000000000000
تمشي فخورة بنفسها
بألوانها الجميلة
وبحلاوة شكلها
ملامحها 00 تقاطيعها00
رسمها
وفضلها مغطي الغريب
0000000000000000
لكن جه جراد معادي
في المداين والبوادي
دمّر الخضرة ف بلادي
والبقرة جفت م الحليب
0000000000000000000000000
بوّروا كل المزارع
حطموا كل المصانع
طفّوا أنوار الشوارع
وميت سؤال ولا مجيب
000000000000000000000
البقرة لمّا نشفت ضروعها
والجذور سابت فروعها
و التتار قلّع جذوعها جت تدوّر ع الحبيب
0000000000000000000000000000
اللي عامل نفسه ناسي
واللي مشغول بالكراسي
والحياة بقت مآسي
م البعيد ومن القريب
ولّعوا في الأرض نار
لاجل ما يعم الدمار
اللي قبضوا بالدولار
لاجل أنوارها تغيب
0000000000000000000000000000
البقرة صرخت وسطهم
أنا بريئة منّكم
ملّيت خلاص من فعلكم
خليتوا دموعي دم
0000000000000000000000
لمّا تصحوا من سباتكم
مش حاكون عايشه بَنَاتكم
في الخيام حيكون مكانكم
وياما حتشوفوا محن
000000000000000000000000000
آه يا تجار السياسة
في دكاكين النخاسة
عايزة أطهر م النجاسة
وداوي جرحي م الألم
00000000000000000000000
بكره لمّا ييجي راوي
يغنّي ليكم ع القهاوي
ع الربابة ينشد حكاوي
يحكي ليكم كان وكان
كان هنا بقرة وغيطان
وكانت بتدينا الأمان
وكمان بتدينا الحليب
ده لمّا كان فيه وطن 4/3/2013
Like
Comment
Share
8هشام السيد نصار, Abeer Abdel Meguid and 6 others
Comments
Talaat Elkerdasy
Talaat Elkerdasy
تحياتي يابااااشا
Unlike · Reply · 1 · 14 October 2015 at 13:33
محمد عبدالحميد بدوي
محمد عبدالحميد بدوي
الأستاذ الفاضل / عادل النحاس أقدم لكم خالص التحية
ليست هناك تعليقات:
إرسال تعليق