يا مكان..
بقلم/حسين ابراهيم...
من قد إية مجناش هنا..
من أمتي مشفناش بعضنا..
ليه يا مكان مبتردش ؟؟؟
مش عارفنا!!!!!
أحنا...
بس الزمان غير في ملامحنا...
يا مكان...
خدنا في حضنك إحتوينا...
بيني وبينها كلام كتير
مكتوب في عينينا...
دا ركننا..
ودي الشجرة إللي في حضنها
ياما سهينا...
شوقي ليها في سلام إيدينا
وكلام هتقوله كفوفنا...
وحنين ساكن قلوبنا..
وشوق ولهفة في عينينا...
مشتاقين ...
للمس الأيدين وهمس الشفايف...
يا مكان..
ليه منا خايف؟؟؟؟
يامكان أحنا ساكنين هنا
مامشيناش من زمان...
اسأل الطير عالشجر..
كا ن بيغني لنا..
اسأل حبات المطر..
كانت بتفيض من شوقنا..
تمطر من دمعنا...
يامكان...
احنا زي ما أحنا...
بحبنا بشوق مالينا...
إل أتغير الزمان..
وما قدرش يغير حاجة فينا...
ليست هناك تعليقات:
إرسال تعليق