وصية
#####
الشاعر سمير موسى
#########
ولما أموت
بلاش تنقش على قبري
بلاش تكتب علية مرحوم
دا مين ضامن يكون مرحوم
وعاش راضى علية ربي
بلاش تزرع شجر صبار
بلاش تكتبلى لوحة رخام
ومنقوشة بحروف اسمي
سكنت قصور
سكنت خيام
لبست حرير
لبست الخام
ركبت صاروخ
ركبت حمار
اكلت حلال
اكلت حرام
اكيد هتموت
اكيد هتفارق الخلان
اكيد هتكون ف يوم جيفة
بلاش تتغر ياانسان
اكيد هتشوف صحف عملك
يا تمسكها يمين ياشمال
وتعبر ع الصراط وحدك
يا تدخل جنة و تتنعم
ياتتحسر وتدخل نار
عليك تختار
ياريت ترجع تشوف نفسك
ياريت تندم على ذنبك
وتفحت قبر ليك وحدك
دا عمر الموت ما بيشورك
ولا بيغير العنوان
ولما اموت
ياريت تقرى على روحى
ايات قرأن
وتقرى الملك وتبارك
وتدعيلى ف كل ادان
ياريت تعرف وتتأكد
(داكل من عليها فان)
ليست هناك تعليقات:
إرسال تعليق