رمضان بالخير جاي في معاده
صلوا وصوموا وزكو وهادوا
صلوا التراويح وصلاة تسابيح
ده شهر مريح بعده اعياده
رمضان جاي لنا والسعد معاه
م السنه للسنه وبنستناه
بفرح وبشوق ونغنيله
وياريت ايامه يتعادوا
من اول يوم وهلاله اهو بان
جاي بالرحمات جاي بالغفران
والخير اهو زاد
زقططوا يا ولاد
بعده عيد فطر قولوا ونادوا
رحمه ومغفره عتق من النار
ومفيش شياطين تجلب اوزار
ربنا رحمن ورحيم غفار
علشان كلنا نبقي عباده
قيدنا الفوانيس احمر واخضر
زفينا عريس جاي يتمخطر
بعد فطورنا راح نتسحر
واحنا بنحكي عن امجاده
اشعار ا/فاطمه خاطر
ليست هناك تعليقات:
إرسال تعليق