يا بختُه من صلى العِشا
واتكَن في دارُه
نفسُه يزور النبي
جالُه النبي زارُه!!
يا بختُه من بات مغلوب
ولا باتش يوم غالب
رب العباد موجود
ومسير الحق غالب!!
يا بختُه من سالت دمعتُه
في عشق رسول الله
ومشلش في قلبه هموم
وعاش بذكر الله!!
يا بختُه من عطف ع الفقير
وحن ع المحتاج
وطعَم فراخ الطير
وملبس يوم تاج!!
يا بختُه من قال آه
وصبُر على الأهوال
ومعش غير بالآه
والدمع في الموال
يا بختُه!!!!
****
غنائيه عاميه من كلمات
عزت عبد العزيز حجازي
ليست هناك تعليقات:
إرسال تعليق