لعيونك ياحلب السورية .... الشاعر والأديب غسان إخلاصي -

- 1 -
ع ترابك الغالي اللي استشهد عليه ابني

وتركلنا دمعاتو الحزينة مع رفقاتو بتم الزمان

ع فحمات كسرات الخبز اللي أكلوها 

بس ليبقوا أقوياء ويقولوا لكل إنسان :

صحيح نحن رحنا وغابت عنكم وجوهنا

من هالدنا ويبست دمعاتنا وزعلت العينان

بس كتبنا ع حجار الوطن حبنا الو بالدم

وتركنا سيرتنا وذكرانا ع كل الحيطان

منديلك ياسوريا الحبيبة والله بستو

قبل ماموت وتطلع روحي وعمدتو الشفتان

يا حبايبي الوطن دوم حي في قلوبنا

وصورتو بتبقى في حشا كل هيمان

يامو . ياما شفت عيونك عم تلمع بقلبي

وهي عم تحكي دون مايتحرك الخدان

يا عيوني الوطن مو كلمة فيها حروف

هو الروح والأصل والشرف والوجدان

قولي لخيي وخيتي طول العمر :

اللي ماعندو وطن يتباهى فيه مانو إنس

ان

عيونك يا يامو باركتني كتير قبل ماموت

وقالت لي :طول عمرك أنت وفي وفرحان

- 2 -

اليوم أنت فتحت طريق العز والكرامة

وبكرة بيلحقك جورج ومحمد ويزن وعدنان

لبوس ترابك الغالي ياوطني كل ما شفت

الغلات والوردات عم تحكي بفخر عن حيان

بحبك ياسوريا ولازم تعرفي دمعاتك غالية

عم أسمع غنياتك تزغرد .أويها.. للفرحان

صحيح أنت بكيت وزعلت وفاضت دمعاتك

بس والله ولادك بيحبوك وكلهم عز وتحنان

مهما جرحوك الرعيان ويتموا بناتك وولادك

وسقوا بدماتك العزيزة الياسمين والريحان

رح يرجع عزك وتاجك ياشام كبير وعالي

ولو اجتمعوا عليك كل الوحوش والغيلان

الدم عمرو مابيصير مي أبدا يا غوالي

واﻷصل عمرو مابيروح بين الأهل والخلان

ياسميناتك فتحت تمامها وعم تضحك الك

كل الدنا فرحتلك ياشام من اﻹنس والجان

روحي فداك حلب وحمص وديرالزور وحماة

ودرعا وطرطوس والرقة والحسكة كلهم حنان 

طالما جيشنا تاج راسنا وعزنا وفخرنا وشرفنا

عم يحمي ترابنا في الجبال والسهول والوديان

رح تبقى أسودك سوريا الحبببة روحنا وتاجنا

مادام دكتورنا البطل قلبه حبه إلنا وحنان 

- 3 -

لاتنسي يامو دعواتك وكلماتك لكل شب منا

أنا بلا حبك ودعواتك بصير طول عمري زعلان

ياما حكيت لرفقاتي عنك وعن أكلاتك الطيبة

وخبز التنور من دياتك بعود شجر الر مان

قالوا لي : هيدي أمك كنز .. وتاج العمر 

بوسو وحطوا على راسك دوم يا فهمان

بس هي أمك الثانية الغالية عندك 

سوريا الحبيبة هي الأم الأولى يافلان

ياابني :الوطن مهما غاب عن العين..

بيبقى حبو بالقلب عم يلتهب وشعلان 

-------------------------------------------------------------------------

غسان إخلاصي ....

29- 4 - 2016