جنازة وطن......للشاعر أيمن طه

كان زمان عندى أمل
...............................لما كان زمان عندى وطن
قتلنا الخضرة
......................والبسمة ودمرنا معاها كل المدن
دوسنا على اطفالنا بالدبابات
........................... أتارى مستقبلنا معاها إندفن
نسينا ربنا
..........................والمبادئ عملنا ليها ألف كفن
كفن لأبويا وكفن لأمى
......................ولأبنى ملقناش يا عينى ليه كفن
حسرة عليكى يابلدى دم أبويا
.....................وأخويا وأبنى فى الطرقات إتعجن
بريحة المسك
..................والملايكة فى صلاة مستمرة وشجن
خلص الكلام لكن الدم
...................... على الرصيف والشوارع سكن
بالله عليك أنا أخوك
..................إزاى تدوس على دمى وعلى الكفن
كراستى فى حضنى
................مع قلمى بس صوتى ياخسارة إتسجن
ربى شاهد على ضعفى
.....................وعلى أخويا اللى لكرامتى إمتهن
ينصرك ربى يابلدى يا سوريا
...........................يا إما هعمل جنازة للوطن

أيمن طه