(( يا سعادة علي فين واخداني )) .
بقلم أ / عبد الرحمن فتحي الحناوي .
السبت : 6 من يناير سنة 2017 .
🎓🎓
🔰🎓🎓🔰🎓🎓🔰🎓🎓🔰
ياما نصحتك وقلت لك شوف لك حبيب تاني *
بدل ما تغرق لشوشتك في بير وهم الأماني *
لكنك خضت تجربتك وفشلت في الحب تاني *
دلوقت بس عرفتك انتا اللي من سنة جاني *
وطلبت مني النصيحة في الحب الأولاني *
وقلت أنا قاصدك يا أخويا يا عدل يا حقاني *
شوف يا صاحبي يا مجروح : أنا علمني زماني *
الحب الحقيقي ممكن تلقاه في كوكب تاني *
دي الدنيا فيها الناس بتتغير مع الثواني *
وكل لحظة ف حال ووشوشهم شكل تاني *
وقصص مليانة جروح والمجني خلوه جاني *
ودا كله عشان الفلوس بيتاجروا بالأماني *
انسي دا كله ودوس ما تقولشي آه ياني *
وانفد بجلدك دي دروس علمناها لك تاني *
وبطل تكون ميؤوس وتقول لي : أنا الجاني *
جنيت علي نفسي في يوم ولا حد رباني *
يا صاحبي كله بأوان يتغير الحال في ثواني *
وبكرة تحقق أحلامك وتلقي نصك التاني *
وتقول ساعتها رضيت بس اوعي تبقي أناني *
الحب الحقيقي يا صاحبي منحة وهبة رباني *
ابتسم وافرح وقول يا سعادة علي فين واخداني *
🎓🎓🔰🎓🎓🔰🎓🎓🔰🎓🎓🔰
ليست هناك تعليقات:
إرسال تعليق