دخيللك يا امي لا تتركيني فراقك والله يبكيني من يوم غبتي عني عيوني ماشافت النوم وطال سهر ليلي اه ياامي شو احكيللك اخواتي تركوا الدار والدارصارت جدران راحوا لديار منسيه حزينين ومتعذبين وبحالهم مودراينين اه ياحنونه كنتي بجناحك تضميني وتزيلي الهم عني ليش تركتيني لوحوش البريه تنهش فيني ياامي اشتقت لضحكتك وقعدتك يلي تونسني بسواد ليلي احبك ياامي كنتي اجمل ابتسامه واحلا ورده مفتحه ببيتك ياحبيبتي عغيابك انهد حيلي كبرت ياامي ومافي مين يعينني حتى عصافير الدار هاجرت وتركتني اه شو عمل فينا غيابك شبعنا وتوهنا ياحنونه تعالي وانقذيني ياامي مافي غيرك يحس فيني يتذكرايام زمان ناكل من تحت ايديكي أطيب الاكلات كنتي تعزمي الجيران وبكل حنيه ورقه تستقبليهم ياامي ماانسى تعبك علي لوشربت المي يلي بتغسلي فيهم رجليكي موكثير علي ابوس واقدس الارض يلي تمشي عليها احبك ياامي خذيني لعندك واحضنيني بدي اندفن بحضنك يمكن ارتاح من وجع سنيني سامحيني ياامي اذفي يوم قصرت بحقك شو ماحكيت عنك كثير قليل ياغاليه اعذريني اطلب الرحمه لروحك الطاهره ياحنونه واذبيوم جرحتك ياامي سامحيني انا بعرف دمعاتك سخيه دخيللك لاتزعلي علي راح اترك الدار من بعدك صارت خراب وحيده ياامي صفيت بحياتي لا انس والجيران يسألوا عني ياامي وصيتي الوحيده سلامي لااخي وابي هنيالهم كلهم يمك ويشموا ريحتك ياريتني الرب يسمع نداي واندفن حدك بقلم هويداالناصر
ليست هناك تعليقات:
إرسال تعليق